Ślůnsko rajza do Rusyje 2013

[fassi]

Zanajpierw piosnka o sztromie, aby sie trocha poznać klimat tyj naszyj rajzy.



Cila z nami nie jedzie, a szkoda...

Krótka geneza skąd ta naszo pierońsko godka sie wzioła, śyngou czasów biblijnych, krótko po tym jak pizgło wszysko i nie boło nic, jak Ponbocek goudki ludziom douwou. Wejrzijcie sie sam rajn




Jakby nie stykło wom, to translejtor sam moucie:
http://nonsensopedia.wikia.com/wiki/...:Śląsko-polski

No to jadymy. A jedzie ekipa ze Ślonska + Jagna, czyli 3 synki, 1 pieroński gizd (tyn gizd to je tysz chachor) i 2 dziouchy wyzgerne, w składzie Jagna, Aga, Jarek, Patryk, Tomol i jou czyli tyn pieroński gizd/chachor (starou ekipa Złombola 2012). Już na krzcie nom potek życoł, ze cza roz pingwiny widzieć w zyciu. No, a wszyjscy wiymy, że pingwiny w śniegu daleko stond miyszkajom, a sniyk to zawsze z północy przeca leci, to my tak sie pejdzieli pewnego dnia, ze pojadymy te pingwiny obejrzeć bo to nasze marzynie życiowe i spełnienie tyj rajzy.

Żeby zicher do tych pingwinów w śniegach północy dojechać, to my sie wybrali na nojblizszy skup złomu i wymiyniyli my za halba i litra, na te dwie kary rajdowe. Pierwszoł kara juz zaprawionoł w bojach na poludniu, w hicu Grecji, na hołdach Albanii, na autobanie w Chorwacji, dobry jargang po liftingu, i wytegowaniu wihajstra.

Dziouchy i Synki, to je skodnik



Dobry to je rocznik, ze szlachetna odmianum rdzy, dachym z reno klijo, normalnie jak w kabryjolecie merca sie jedzie. do tego muza na pokladzie umcy umcy i słoma na delówce. Jak słoma je ważnou w naszym życiu to musicie przijechać do nous na wiejś na Ślonsk i sie łobejrzec.

Jako saport, czyli tego co widać w lusterku zawsze, jedzie wyrób z efeso, ostatnie przeznaczynie pojazdu to przewóz buraków. Przeznaczynia my nie zmiyniyli, buraki bierymy na rajza, 2 krauzy i nous 3ech tam baje jechać. Na pace byndzie źrodło wody źrodlanyj + suszarnia z owyj wody w jednym (terpetum mobile się zowie), aby nom ta rajza jako z gwinta szła. Zagrychy bierymy miech kartoufli, krauzy z roladami od mamy i modro kapusta kiszonou na mitak. Przerwy banum ino na odcedzynie tych kartofli, bo trza baje te kluski jakoś zarobić. Do warzynia baje dympfer, a szpajza baje z fyrzichym, kiszka na rano do słepania, mostrich do wusztu, kreple od oumy, krzinka ouberiby, tak co nom żarcia nie braknie na dziyń cały.

Dziouchy i Synki to je nasza imprezownia, chlyw, magazyn gorzoły i wytrzezwiałka w jednym, czyli Imprezowytrzezwialkowoz (zdjęcie z neta, oryginalne baje potyn)



Rocznik tak samo dobry, rdza sie go nie chytou bo bezmajs mou dobry ablajter. Silnik z dużygo fiata, zagazowany i rzykomy co nom ta butla dryny nie dupnie.

Dobra, muzyka sie skończoła, to tera poskreczujymy trocha i pociepiymy koksu...



Przi tych skreczach i nie ino, oprócz widoku dampfujoncego silnika somy dobrych myśli, ze dojadymy do tych pingwinów, okompiymy sie w morzu arktycznym, cigareta zakurzymy i przijadymy do dom. Jak nous jaki misiu nie bajsnie w rzić, silnik sie nie wybuchnie, to 30go czerwca meldujymy sie nazout z jajcym od pingwina ( to do szwagra, co nie moge jechać, ajerkoniak chce zrobić). Spać banymy przi miejsionczku, hajcować fojer a na gambie baje nec na kopruchy. W pukyltaszy momy trampki, hantuch, fuzekli 3 poury i srajtasma. w wersji de luxe banum taszyntuchy. We wsi nom farorz pejdzioł, że w Murmansku kajś tam w Rusyji bezmajś całe hołdy pingwinów furgajom. No to tez tam pojadymy...

Jak już my som przi hołdach to jedna śpiywka wom dom:


Dobra, juz koncza heblać abyście nie zynkli. Na pokładzie baje jeszcze Jagna, co nie godou po naszymu (ale sie napewno naucy) ale apcybilder wyszoł jyj piyrszyj klasy...



Narajzie to tela do wous. Jakbyco to Grucha znaszego i swojego na wasze pociśnie. W piontek bierymy wizy od konsula, w sobota rano poszpurtomy w lidlu i sztartujymy. Powiydzcie ino, cza tam dużo bonbonów do batjli wzionć? Abo jake inne geszynki? Jezderkusie!!! A biksa z fetym tysz wzionć?

Kusiki dlo Wous od Skodnik & Imprezowytrzeżwiałkowóz Rejli Tim

ps. a jake opony na Połnoc?